Djakout # 1 gen anpil dosye sou T-Vice

Aprè T-Vice fi’n lage mereng kanavalèsk 2015 li a ki rele « Warete » kote’l san pitye pou Pouchon ak tout Djakout #1, anpil kòmantè ap fèt. Anpil mande ki sa Djakout pral di, eske gen bagay pou repon’n mèt beton an. Antouka djaz peyi ki aktyèlman ap travay sou kanaval yo a Miami mande fanatik li yo tèt frèt, yo pa bezwen pè. Manadjè # 1 nan, Ti Marco M & S anonse ke Djakout # 1 ap lage kanaval li a jedi ou vandredi. « Nou tèlman gen dosye moun pa konnen sou djaz saa, nou gen bagay pou’n fè menm 4 kanaval sou T-Vice. Sa’m tande mesye yo fè laa poko kanaval. Aprè Djakout fi ‘n lage, Roberto ap oblije tounen nan studio pou fè soti yon lòt kanaval » daprè sa Ti Maco M& S deklare jodi a sou radyo Magik 9, 100.9 FM.