5 Etwal: “New chapter”, bèl albòm epi?

Map retande ankò laa, album “New Chapter” 5 Etwal la, si djaz saa kòm yon jèn djaz pa pwofite soti tèt li ave’l, zafe’k gade yo. Kòm se yo ki te fè, yo ka toujou fè paske’m renmen plizyè mizik sou album saa e m estime moun ka apresye plizyè mizik sou li tou. Se vre “My life” ak “Nap rewè” fè anpil siksè men gen plizyè lòt mizik sou plak la ki te (ta) ka fè otan e menm plis sanm pa bezwen site yo pou moun ki toujou swiv mwen. Si djaz saa jwe live byen jan yo fè sou plak saa e menm plis, se tap (ap) sa nèt. Enstabilite ou move jesyon ka fè djaz saa anpil tò. Sa pou mesye 5 Etwal yo sonje oswa konnen, se pa tout djaz, tout albòm ki jwenn menm chans la tout tan.