Leta ayisyen entèdi tout aktivite kiltirèl nan peyia jouska nouvèlòd espesyalman rara

ilovekonpa

Leta ayisyen entèdi tout aktivite kiltirèl nan peyia jouska nouvèlòd espesyalman rara

REPIBLIK DAYITI KOMINIKE

Ministè Kilti ak Komikasyon, nan tèt kole ak Ministè Jistis ak Sekirite Piblik, Ministè Enteryè ak Kolektivite Teritoryal yo, ap enfòme gran piblik la alawonbadè, ak operatè kiltirèl yo, ak moun kap oganize rara, , tout manifestasyon kiltirel nan lari, yo entèdi sou tout teritwa peyi a, jouk ka nouvèl òd, nan kad mezi ki gen pou wè ak maladi Kowonarivis la (COVID-19).

Mezi sa-a konsène tou tout rasanbleman kote ki gen anpil moun, tankou kote yo jwe teyat, fè espektak, sou tout teren yo jwe tout kalte jwèt.

Gouvènman an ap envite tout pèp la, espesyalman moun ki nan zafè kiltirèl yo, pou yo fè anpil atansyon, se pou yo mete an pratik tout sa otorite nan leta yo deside. Chak sitwayen gen reskonsabilite pou veye sou santé peyi a, fanmiy yo, zanmi yo, vwazen yo, pou yo anpeche maladi a gaye nan peyi a.

Gouvènman an ap fè n sonje maladi Kowonaviris la (COVID-19) se yon pwoblèm tout latè, e ki bay anpil kè sote. Li mande pou nou jwe bon wòl sitwayen nou poun ka fè fas ak maladi a. Tout popilasyon an dwe tande bon jan nouvèl ak enfomasyon sou tout sa yo dwe fè, epi pote kontribrisyon pa yo nan batay kont maladi Kowonaviris la.

Pradel HENRIQUEZ: Minis Kilti ak Komikasyon

Lucmanne DELILLE: Minis Jistis ak Sekirite Piblik

Audain Fils BERNADEL: Minis Enteryè ak Kolektivite Teritoryal

Potoprens, 18 mas 2020

Have your say

Ce site utilise Akismet pour réduire les indésirables. En savoir plus sur comment les données de vos commentaires sont utilisées.